Monday, August 5, 2019

റിജാല്‍ അല്‍മ



അറേബ്യന്‍ പരമ്പരാഗത വാസ്തുവിദ്യക്ക് പേരുകേട്ട സൗദി അറേബ്യയില്‍ ഓരോ പ്രദേശത്തും അതിന്റേതായ പ്രത്യേകതകള്‍ ആവാഹിച്ചു കൊണ്ടുള്ള പല തരത്തിലുള്ള നിര്‍മിതികള്‍ കാണാന്‍ സാധിക്കാറുണ്ട്. അതില്‍ പെട്ട ഒരു സുപ്രധാന സ്ഥലമാണ് അസീര്‍ പ്രവിശ്യയുടെ തലസ്ഥാനമായ അബഹയ്ക്ക് പടിഞ്ഞാറ് സ്ഥിതി ചെയ്യുന്ന ഒരു പുരാതന അസീരി ഗ്രാമം പേര് റിജാല്‍ അല്‍മ. 

സൗദി പരമ്പരാഗത വാസ്തുവിദ്യയെക്കുറിച്ച് പറയുമ്പോൾ ആദ്യം മനസ്സിൽ വരുന്നത് റിജൽ അൽമയുടെ മനോഹരവും വർണ്ണാഭമായതുമായ വീടുകളാണ്. യെമനും ബാക്കി അറേബ്യൻ ഉപദ്വീപിനും ചെങ്കടലിനും ഇടയിലുള്ള പുരാതന വ്യാപാര പാതയിലെ വിശാലമായ താഴ്‌വരയുടെ വളവിലാണ് ഇത് സജ്ജീകരിച്ചിരിക്കുന്നത്. 

പ്രദേശത്തിന്റെ ഭൂമിശാസ്ത്രത്തെ വിവരിക്കാൻ അസീർ എന്ന പേര് “ബുദ്ധിമുട്ടുള്ളത്” എന്ന് വിവർത്തനം ചെയ്യുന്നുവെങ്കിൽ, തണുത്ത താപനിലയും ഈർപ്പമുള്ള കാലാവസ്ഥയുമുള്ള ഇവിടം നിങ്ങളുടെ മനസ്സിനും ശരീരത്തിനും കുളിര്‍മയേകുന്നു.

നിരവധി റോഡുകളിലൂടെ സന്ദർശകർക്ക് റിജാൽ അല്‍മാ ഗ്രാമത്തിൽ എത്തിച്ചേരാം, അതിൽ ഏറ്റവും പ്രധാനം അക്കാബത് സാമയാണ്, സൗദി അറേബ്യയിലെ പ്രശസ്ത ടൂറിസ്റ്റ് സാവാ സെന്റർ വഴി അഭഹയേയും റിജാൽ അൽമയെയും ബന്ധിപ്പിക്കുന്നു. റിജാലിലേക്ക് നയിക്കുന്ന മറ്റ് രണ്ട് റോഡുകളും ഉണ്ട്, മുഹൈൽ അസീര്‍ പ്രവിശ്യയും ജാസാൻ മേഖലയിലെ ദര്‍ബ്  പ്രവിശ്യയിലേക്കും ബന്ധിപ്പിക്കുന്നു.

അറേബ്യന്‍ പഴയകാല തനിമ നില നിര്‍ത്തിക്കൊണ്ട് സന്ദര്‍ശകരെ സ്വാഗതമരുളി കാത്തിരിക്കുകയാണ് റിജാല്‍ അല്‍മാ.

ഇവിടം സന്ദര്‍ശിക്കാന്‍ താല്‍പര്യമുള്ളവര്‍ക്ക് വേണ്ടി റൂട്ട് മാപ്പ് ഉള്‍പ്പെടുത്തിയിട്ടുണ്ട്.




Thursday, August 1, 2019

തനോമ



മഞ്ഞില്‍ പൊതിഞ്ഞ ജുനൈപ്പര്‍ മരങ്ങള്‍ കാണാന്‍ ആഗ്രഹമുണ്ടെങ്കില്‍ ഡിസംബര്‍ മാസങ്ങളില്‍ സൗദി അറേബ്യയിലെ തനോമയിലേക്ക് വന്നോള്ളൂ. വര്‍ഷത്തില്‍ 365 ദിവസവും മഴ പെയ്തു കൊണ്ടിരിക്കുന്ന ചില സ്ഥലങ്ങള്‍ കൂടെ സന്ദര്‍ശിക്കാനുള്ള അവസരവും ഇവിടെയുണ്ട്. ഇത് വെറുമൊരു യാത്രികന്റെ സ്വപനാടനമല്ല യാഥാര്‍ത്ഥ്യമാക്കിയ യാത്രയുടെ അനുഭവമാണ്.

തെക്ക് പടിഞ്ഞാറന്‍ സൌദി അറേബ്യയിലെ ഒരു നഗരമാണ് തനോമ, സൌദിഅറേബ്യയുടെ ടൂറിസത്തിന്റെ തലസ്ഥാനം എന്നറിയപ്പെടുന്ന അഭഹയില്‍ നിന്ന് ഏകദേശം 120 കിലോമീറ്റര്‍ അകലെ വടക്ക് മാറിയാണ് തനോമ സ്ഥിതി ചെയ്യുന്നത് , രേഖപ്പെടുത്തിയ കണക്കുകള്‍ അനുസരിച്ച് 40000 ആളുകളാണ് ഇവിടെ വസിക്കുന്നത്. പര്‍വ്വത ചരിവുകളുടെ മുകളില്‍ പ്രകൃതിദത്ത ജലം കൊണ്ട് നിര്‍മിച്ച വെള്ളച്ചാട്ടങ്ങളും ടൂറിസ്റ്റ് വില്ലേജുകളും മ്യൂസിയങ്ങളും സഞ്ചാരികള്‍ക്ക് വേണ്ടി സുസജ്ജമായി നില കൊള്ളുന്നു. വര്‍ഷത്തില്‍ മിക്ക മാസങ്ങളിലും മിതമായ തണുപ്പും ശൈത്യ കാലത്ത് മരം കോച്ചുന്ന തണുപ്പും ഇവിടങ്ങളില്‍ അനുഭവപ്പെടാറുണ്ട്, കൂടാതെ ധാരാളം ജുനൈപ്പര്‍ മരങ്ങളുടേയും പ്രകൃതിദത്ത വനങ്ങളുടെയും കേന്ദ്രം കൂടിയാണിവിടം. പലപ്പോഴും മൂടല്‍ മഞ്ഞു കാരണം ഒരു മീറ്റര്‍ അകലത്തില്‍ കാഴ്ച സാധ്യമാവാത്ത വിധം മൂടല്‍ മഞ്ഞു മൂടി നില്‍ക്കുന്നത് സാധാരണയാണ്.

തനോമയിലെ പ്രധാന സന്ദര്‍ശന സ്ഥലങ്ങളുടെ പട്ടിക ചുവടെ ചേര്‍ക്കുന്നു.

1. Al Arbuah Park
2. Al Meger Yourist Village
3. Al Olayyan
4. Al Sharaf Park
5. Dahna Falls
6. Jabal Atherb
7. Jabal Barquq
8. Jabal Hada
9. Jabal maoma
10. Jabal Mareer
11. Namas Museum
12. Park Alheefah
13. Tanomah Waterfall
14. Wadi Nazzer
15. Waterfall Park
16. Jabal Raydan
17. Jabal Rayman

തനോമയിലേക്ക് പോവാന്‍ താലപര്യമുള്ളവര്‍ക്ക് വേണ്ടി സ്ഥലത്തിന്‍റെ റൂട്ട് മാപ്പ് ഇവിടെ ഉള്‍പ്പെടുത്തിയിട്ടുണ്ട്.

സ്നേഹത്തോടെ 
റിയാസ് നെച്ചിയന്‍



Tanomah is a city in south-west Saudi Arabia, population 40,000. And away from Abha, a distance of 120 kilometers north. It is one of the most important resorts in Saudi Arabia and there are waterfalls made up of natural water at the top of the mountain slopes. Mild to cold weather in most months of the year and very cold in winter, a concentration of natural forests, and is famous for abundant juniper pine trees, where it rains throughout the year. Covered by the fog, which often makes the vision for a distance of 1 meter is not possible, there are a number of parks, including Alsharaf, Mnaa, Mahfar, Alerbuah, Trges, waterfalls Dahna, alhafer and Alehifah.

Sunday, March 24, 2019

മരുഭൂമിയിലെ വെള്ളച്ചാട്ടം – വാദി ലജബ്, ജിസാന്‍


മരുഭൂമിയിലെ വെള്ളച്ചാട്ടം – വാദി ലജബ്, ജിസാന്‍

പേരിലെ ആകാംഷ പോലെ തന്നെയാണ് ഇവിടം സന്ദര്‍ശിക്കാന്‍ വേണ്ടി തയ്യാറെടുപ്പുകള്‍ നടത്തിക്കൊണ്ടിരിക്കുമ്പോള്‍ ഞങ്ങളും അനുഭവിച്ചിരുന്നത് കാരണം ഇത്തരമൊരു വെള്ളച്ചാട്ടത്തെ കുറിച്ച് സൌദിഅറേബ്യയുടെ ഒരിടത്തും എനിക്ക് സങ്കല്‍പ്പിക്കുവാന്‍ പോലുമാവില്ല അതും ഇത് പോലെ ഭൂരിഭാഗ പ്രദേശങ്ങളും മരുഭൂമി ആയി വ്യാപിച്ചു കിടക്കുന്ന ഈ രാജ്യത്ത്.

അതെ, അങ്ങനെ ഒരു സ്ഥലം ഇവിടെയുണ്ട് ജിസാനില്‍ നിന്ന് ഏകദേശം 128 കിലോമീറ്റര്‍ ദൂരത്തില്‍ പാറക്കെട്ടുകള്‍ക്കിടയിലൂടെ ഒഴുകുന്ന ഒരു നദിയുടെ ഉത്ഭവസ്ഥാനം പേര് വാദി ലജബ്,  ഇവിടുത്തെ വശ്യമായ സൗന്ദര്യവും  അവിഭാജ്യമായ ഭൂമിശാസ്ത്ര രൂപങ്ങളും സന്ദര്‍ശകര്‍ക്ക് മറക്കാനാവാത്ത നിമിഷങ്ങളാണ് സമ്മാനിക്കുന്നത്.

അധികം ദുഷ്കരമല്ലാതെ കുടുംബത്തോടൊപ്പം നല്ലൊരു ട്രാക്കിംഗ് അനുഭവം ആസ്വദിക്കാനും നിങ്ങള്‍ക്ക് സാധിക്കും. എന്‍റെ പ്രിയതമയുടെ വാക്കുകളില്‍ ഈ സ്ഥലത്തെക്കുറിച്ച് അവള്‍ പറഞ്ഞത് ജീവിതത്തില്‍ ഒരിക്കലും ഇങ്ങനെയുള്ളൊരു സ്ഥലം സന്ദര്‍ശിക്കാന്‍ ഭാഗ്യമുണ്ടാവും എന്ന് കരുതിയിരുന്നില്ലാ എന്നാണ്.

കൂടാതെ പ്ലാസ്റിക് മാലിന്യങ്ങള്‍ കഴിവതും ഒഴിവാക്കുകയോ അഥവാ ഉപയോഗിക്കുകയാണെങ്കില്‍ കഴിവതും മാലിന്യം നിക്ഷേപിക്കാന്‍ വേണ്ടി പ്രത്യേകം സജ്ജമാക്കിയിട്ടുള്ള വേസ്റ്റ് ബാസ്കറ്റ് ഉപയോഗിക്കുകയോ ചെയ്യുക കാരണം പ്രകൃതിയോടു കൂടുതല്‍ അടുത്തിടപഴകി സജ്ജീകരിച്ചിട്ടുള്ള ഈ വിനോദ സഞ്ചാര കേന്ദ്രത്തില്‍ സഞ്ചാരികള്‍ക്ക് യാതൊരുവിധ നിയന്ത്രണങ്ങളും ഇല്ല. അത് കൊണ്ട് ഇവിടം വസിക്കുന്ന ജീവജാലങ്ങളുടെ ആവാസ വ്യവസ്ഥക്ക് ഒരു കോട്ടവും സംഭവിക്കാതെ നോക്കേണ്ടത് നമ്മുടെ കടമയാണ്.

സഞ്ചാരികളെ ജിസാന്‍ നിങ്ങളെ സ്വാഗതമരുളി കാത്തിരിക്കുകയാണ് മരുഭൂമിയെ ഭൂമിയിലെ സ്വര്‍ഗമാക്കിക്കൊണ്ട്.



Rout Map : Google Map

ജിസാനിനെക്കുറിച്ചുള്ള കൂടുതല്‍ വീഡിയോകള്‍ കാണാന്‍ എന്‍റെ യൂട്യൂബ് ചാനല്‍ സന്ദര്‍ശിക്കുക 👉 Youtube

ദര്‍ബ് ജിസാന്‍, സൗദി അറേബ്യ (Ad Darb - Jizan, Saudi Arabia)



ദര്‍ബ് ജിസാന്‍, സൗദി അറേബ്യ (Ad Darb - Jizan, Saudi Arabia)

ജിസാനില്‍ നിന്നും ജിദ്ധ – അബഹ യാത്രാ മദ്ധ്യേ ദര്‍ബില്‍ സഞ്ചാരികളെ കാത്തു വളരെ മനോഹരമായ ഒരു പാര്‍ക്കുണ്ട് ഇത് വഴി പോവുകയാണെങ്കില്‍ തീര്‍ച്ചയായും ഇവിടം സന്ദര്‍ശിക്കാതെ പോവരുത്. ജിസാനില്‍ നിന്നും ഏകദേശം 118 Km ദൂരമുണ്ട്‌ ഇവിടേക്ക്. ആഴ്ച്ചാവസാനം ആഘോഷിക്കാന്‍ സ്വദേശികളും വിദേശികളുമായ ധാരാളം ആളുകള്‍ വാരാറുണ്ടിവിടെ.



Location : Google Map

കൂടുതല്‍ വീഡിയോകള്‍ കാണാന്‍ ഇവിടം സന്ദര്‍ശിക്കുക : Youtube

Popular Posts